Þessi hundapeysa er prjónuð á afar einfaldan hátt.
Peysan er prjónuð ofan frá og niður og í hring. og gerðar eru útaukningar á tveimur stöðum á miðri framanverðri peysunni. Loks er lykkjum fækkað og gerðar eru styttar umferðir á baki til að lengja það.
Peysan er hönnuð með hreyfigetu hundsins í huga, ull er ákjósanlegasta efnið í hana og ég mæli með því að mæla hundinn áður en peysan er prjónuð svo rétta stærðin sé notuð. Hægt er að lengja peysuna/stytta hana og breyta þannig að hún henti þínum hundi því hundar eru svo misjafnir eins og þeir eru margir.