Fljótprjónað sett sem samanstendur af hnepptri peysu, húfu og smekkbuxum. Peysan er prjónuð fram og til baka, ofan frá og niður, fyrir utan ermarnar sem prjónaðar eru í hring. Kantar í hálsinn, framan og neðan á peysunni eru prjónaðir með perluprjóni. Hnappagöt eru á vinstri hlið peysunnar og eru þau gerð jafnhliða og peysan er prjónuð. Peysan er með laska sem myndar gatarönd niður eftir laskanum.

Húfan er hefðbundin smábarnakollhúfa og munstrið er það sama og í smábarnapeysunni.. Neðan á húfunni er perluprjónskantur.

Buxurnar eru prjónaðar neðan frá og upp. Skálmar og ermar eru prjónaðar í hring en smekkur fram og til baka. Perluprjón er á köntum að neðan og á smekknum.