Þessi peysa er prjónuð ofan frá og niður með svokallaðri tengiaðferð. Hún er með kvenlegu og klæðilegu sniði og er prjónuð úr bandi í DK grófleika á prjóna # 3 ½ , 4 og 4 ½ mm. Peysan er prjónuð fram og til baka, listinn síðast og er hann ásaumaður. Efri hluti peysunnar er aðsniðinn en útsláttur sem fenginn er með útaukningum í bolnum gefa henni fallegt og kvenlegt A – snið. Áróra er klassísk peysa sem fer fallega við kjóla.