Flettefestsokken kjem i to utgåver, rett og slett fordi vi ikkje klarte å bestemme oss for uttrykk og garn. Sokken strikka i Vandre er som det besteforeldregenerasjonen på Sunnmøre ville kalt «tjukkeragg», altså den klassiske strikkasokken. Fordelen med denne er at garnet er 100% norsk ull! For å unngå hol ved bruk må denne tovast lett. Det er heilt nydeleg at Rauma har kome med eit slikt sokkegarn og vi er frelst. Sokken strikka i PT5 er meir elegant og dermed meir som ein moderne strikkasokk. Garnet er godt å strikke i, sokken held seg fin samstundes som den er elastisk og tilpassar seg foten.