Garn: Dobbel tråd Rauma Garn Finull + enkel tråd Sandnes Garn Tynn Silk Mohair.
Størrelser: XS – (S) – M – (L) – XL – (XXL)
Garnmengde: 300-(350)-400-(400)-450-(500) g Finull og 75-(75)-75-(75)-100-(125) g Tynn Silk Mohair.
Garnforslag. Alternativ til Finull: dobbel tråd Rauma Garn Tumi eller enkel tråd Rauma Garn Vams. Alternativ til Tynn Silk Mohair: Viking Kid Silk eller annan tynn mohair.
Mål på cardigan:
Overvidde: 80-(85)-96-(105)-115-(125) cm
Heil lengde: 42-(46)-50-(54)-56-(58) cm
Lengde ermer, målt langs underermet: 46-(46)-47-(47)-48-(48) cm.

Hjerteflettecardigan er som ei jakke som er open framme og er utan knappar. Ideen med jakka starta med ermane, då vi syns at ei lang flette langs heile ermet er utruleg fint. Etter å ha henta inspirasjon fleire stadar landa vi på at denne skulle vere utan knappar og heller vere open framme, då den blir litt meir som ei finjakke til å ha over både t-skjorte og kjole på denne måten. Det er ein cardigan som varmar godt og er god å kunne ha på ein kjølig dag. Dette er ein kort modell som er enkel å forlenge, med litt meir garn tilgjengeleg.