Har du også lyst til å strikke julepynt i adventstida?

Desse små julepyntstrømpene kan brukast både som dekorasjonar på juletreet, i julelenker i eit vindu, eller som pakkepynt på julegåvene. Er du ute i god tid (god nok til å strikke 24 stk) er dei også supre til å legge små kalendergåver oppi.

Garn: Her står du heilt fritt til å strikke med alle moglege typar garn og tjukkelsar. Bruk gjerne restegarn du har liggande. Alle kvalitetar, frå rein ull til alpakka, mohair og bomull kan brukast.

Garnmengde: Til ein sokk treng du ca 6 gram garn.

Pinnar: Velg ein pinnestørrelse som passer til garnet du bruker. Eg har strikka sokkane du ser på bileta med bl.a. Finull frå Rauma garn og Tynn merinoull frå Sandnes garn, og då har eg brukt pinne nr 2,5. Om du strikker med tjukkare garn og tjukkare pinnar, får du litt større sokkar.