Einnig er hægt að hafa samband á silla@grisara.is ef þið eruð ekki með PayPal, uppskriftin kostar þá 1200 ISK, með fyrirfram þökk.
Einföld, stór og fljótprjónuð. Að mestu einungis prjónuð slétt, ekkert stroff, hægt er að prjóna kragann það langan að hann nýtist sem hetta líka ef vill (bætið þá garni við uppgefið magn, í uppskrift er kraginn 25 sm). Gert er ráð fyrir að kragi og kantar um úlnlið og neðan á peysunni séu prjónaðir nokkuð mikið þéttar en peysan sjálf sem veldur því að nokkuð mikill munur er á prjónastærð (3,5 og 5,5).

Það sem sýnist vera kaðlar, eru það ekki, heldur spíralprjónamunstur sem flestir ættu að vera mjög fljótir að átta sig á, leiðbeiningar og tilvísun í kennsluvídeó eru í uppskriftinni. Gefinn er kostur á að hafa síkkun að aftan eða einfaldlega sleppa því. Afar einfalt er að stytta og síkka bol og ermar eftir smekk hvers og eins (sem breytir þá að sjálfsögðu uppgefnu magni af garni).

Peysan er í þrem stærðum og á að vera víð og stór.
S/M - M/L - XL
Magn:
Plötulopi 300 - 340 - 400 gr
Tynn silk Mohair 125 - 125 - 150 gr
Uppástunga fyrir dúnmjúka peysu og fólk með lopaóþol
Holst Cielo 42% baby alpakka, 42% super fine merino og 16% polyamide (fæst hjá Sveinu http://sveina.is/ garn í gangi)
400 - 450 - 500 gr.