Mellomtrøya langerma er ei glattstrikka lett trøye i mellomtjukt garn, og er strikka på pinne 4 mm ovanifrå og ned. Denne langerma versjonen har ein smal rullekant i hals, og ein brettekant på ermane. Trøya har ei lita forhøgning i nakken for ein betre passform, og du skal bruke vendemasker i halsen. “German short rows” er ein fin metode å lære seg for å unngå hol i vendingane. Mellomtrøya langerma er ein del av kolleksjonen Mellomstrikk - mellomtjukke og enkle klassiske plagg i nordisk ullgarn.