Hettupeysan “Nói” er prjónuð ofan frá og niður. Byrjað er að prjóna kollinn á hettunni síðan eru teknar upp lykkjur meðfram kanti kollstykkis og hvirfill mótaður með útaukningum. Úrtökur eru til að móta hnakka. Hálsmál er með lítilli klauf niður á berustykki, en síðan er peysan prjónuð með hefðbundnum laskaútaukningum. Skipt upp í bol og ermar. Vasi er framan á peysunni, en ítarlegar myndaskýringar fylgja uppskriftinni vegna hans.

Peysan er hönnuð með Kremke Soft Bébé í huga, það er 140 mtr pr 50 gr, en sýnishornið er þó prjónað Performance Delight Merino sem er 125 mtr pr 50 gr.

“Nói” var hannaður í náinni samvinnu við ömmusnúðinn, sem vildi fá hettu og vasa.

Silla