Lokuð peysa prjónuð ofan frá og niður. Upphækkun er í aftanverðu hálsmáli (má sleppa). Ég vildi hafa berustykkið á peysunni eins í öllum stærðum, þ.e. jafnmarga túlipana á þeim öllum, það er því munsturteikning fyrir hverja stærð fyrir sig, gætið þess því að velja rétt munstur. Skipt er upp í bol og ermar nokkrum umferðum áður en munstri berustykkis lýkur, merkt er fyrir því á munsturteikningunum, lokið er við munstrið eins og það er sett upp á berustykki niður á ermar og bol. Munstur er einnig á hliðum bols, undir höndum.

Ég notaði Ær frá Gilhaga, en einnig er hægt að nota Léttlopa eða hvað það garn í Aran grófleika sem hæfir prjónafestunni.

Magn er eftirfarandi:
Stærð 1 (Yfirvídd 88 sm)400 gr
Stærð 2 (Yfirvídd 94 sm) 450 gr
Stærð 3 (Yfirvídd 100 sm) 500 gr
Stærð 4 (Yfirvídd 106 sm) 550 gr
Stærð 5 (Yfivídd 112 sm) 600 gr
Stærð 6 (Yfirvídd 127 sm) 650 gr.