Her er babyvottane for strikkaren som lengter etter vår alt tidleg i januar. Dei har eit motiv inspirert av blomstring og blad og solskin. Sidan vottane er tova, held dei hendene varme og gode gjennom resten av vinteren. Heilt til våren!

Du velger om du vil strikke mansjett i klassisk ribbestrikk eller i blondestruktur. Begge er beskrive i oppskrifta. Oppskrifta inneheld også beskrivelse av korleis du strikker i-cordsnor, slik at du kan knytte eit fint strikka band rundt handleddet til babyen, og hindre at votten glir av. Som dei fleste babyvottar har ikkje denne votten tommel. Det er fordi votten då sit betre på handa.

Vottane er strikka med pinne nr 2,5, og med garnet Pickles pure wool. Sidan vottane skal tovast til slutt, kan du eksperimentere med andre garn også. Undervegs i tovinga kan du prøve vottane på, slik at du tilpasser dei riktig størrelse. Pass berre på at garnet er i reint ull, slik at dei kan tovast.