Om du er som meg, og lengtar etter våren alt tidleg i januar, er dette vottane som kan korte ned ventetida. Dei har eit motiv inspirert av blomstring og blad og solskin. Sidan vottane er tova, held dei hendene varme og gode gjennom resten av vinteren. Heilt til våren!

Denne oppskrifta inneheld ein klassisk herrevott, med inspirasjon frå norsk tradisjonsstrikk.

Vottane er strikka med pinne nr 2,5, og med garnet Pickles pure wool. Sidan vottane skal tovast til slutt, kan du eksperimentere med andre garn også. Undervegs i tovinga kan du prøve vottane på, slik at du tilpasser dei til din størrelse. Pass berre på at garnet er i reint ull, slik at dei kan tovast.