Fallegt og einfalt keðjumunstur fyrir íslenska lopapeysu. Vítt hálsmál sem er tilvalið fyrir þá sem þola lopann illa og þurfa að vera í annari flík innanundir.

Einfalt munstur sem skemmtilegt er að prjóna.

Haustlauf er innblásin af laufunum sem skipta litum á haustin, því fannst mér tilvalið að hanna uppskrift þar sem hægt er að nota þann eiginleika plötulopans að blanda saman tveim þráðum af sitthvorum litnum, til að fá þriðja litinn mitt á milli hinna tveggja.

Hefðbundin íslensk lopapeysa með munstri sem er innblásið af hafinu og öldunum sem munstrið heitir eftir.